Qusarda yataqxanada yanğın: Tüstüdən zəhərlənənlər var

Qusarda yataqxanada yanğın olub.

Oxu.Az xəbər verir ki, bu barədə Fövqəladə Hallar Nazirliyindən məlumat verilib.

Bildirilib ki, beşmərtəbəli yataqxana binasının üçüncü mərtəbəsində ümumi sahəsi 110 m² olan dördotaqlı mənzilin bir otağının yanar konstruksiyaları 35 m² sahədə yanıb.

Yanğın zamanı yanğınsöndürənlər tərəfindən tüstülənmiş mənzillərdən beşi uşaq olmaqla doqquz nəfər bina sakini təhlükəsiz əraziyə təxliyə olunub, iki nəfər tüstüdən zəhərlənib.

Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.