"Eurovision: 2016” təmsilçimiz Səmra Rəhimli "Cinemaya ADDIM-la” adlı layihəsinin qonağı olub.

May.Az xəbər verir ki, layihə çərçivəsində müğənni gənclərlə bərabər "CinemaPlus”da resjissor Oliver Stounun müəlllifi olduğu "Snouden” filmini izləyib.

Müğənninin geyiminin yenə də media nümayəndələrinin diqqət mərkəzində olub.

Daha sonra müğənni gənclərlə foto çəkdirib və jurnalistlərə açıqlama verib.

Sonda Səmra film haqqında təəssüratlarını bölüşüb.

"Film çox maraqlıdır, insanı düşünməyə vadar edir. indi mən qorxuram, düşünürəmki məni də eynilə filmdəki kimi hər zaman izləyirlər”, - deyə S.Rəhimli bildirib.

ANS Müstəqil Yayım və Media Şirkəti Milli Televiziya və Radio Şurasına (MTRŞ) qarşı şikayəti üzrə məhkəmə qərarından apellyasiya şikayəti verib.

Bunu "Report"a ANS-in vəkili Sevda Məhərrəmova bildirib.

Onun sözlərinə görə, apellyasiya şikayəti Bakı Apellyasiya Məhkəməsinə təqdim edilib. İşə yaxın günlərdə baxılacaq.

Qeyd edək ki, MTRŞ-nin iyul ayının 18-də keçirdiyi iclasında Türkiyə ilə Azərbaycan arasında strateji tərəfdaşlıq münasibətlərinin pozulmasına yönəlmiş təxribatın qarşısını almaq, açıq şəkildə terrorizmin təbliğatına yol verməmək məqsədilə, Azərbaycan Respublikası Baş Prokurorluğunun 18 iyul 2016-cı il tarixli müraciətini, "Televiziya və radio yayımı haqqında” qanunun 11, 23, 32-ci maddələrinin tələblərini rəhbər tutaraq "ANS Müstəqil Yayınm və Media” Şirkətinin yayımının 18 iyul 2016-cı il tarixdən saat 18:30-dan etibarən 1 (bir ) ay müddətinə dayandırılması, 25 oktyabr 2013-cü il tarixli TR 099 saylı xüsusi razılığın (lisenziyanın) qüvvəsinə xitam verilməsi barədə məhkəmədə iddia qaldırılması, "Televiziya və radio yayımı haqqında” qanunun 23.2.8-ci maddəsinin tələbinə uyğun olaraq "ANS ÇM Yayım və Media” Şirkətinə 25 oktyabr 2013-cü il tarixdə verilmiş TR 100 saylı xüsusi razılığın (lisenziyanın) qüvvəsinə xitam verilməsi barədə qərar qəbul edilib.
Daha sonra ANS 1 saylı Bakı İnzibati-İqtisad Məhkəməsinə müraciət edib və MTRŞ-nın lisenziyanın ləğv olunması ilə bağlı qərarının ləğv edilməsini istəyib. Hakim Elçin Məmmədovun sədrliyi ilə keçirilən prosesdə ANS-in müraciəti təmin edilməyib.

Xatırladaq ki, Ali Məhkəmədə ANS-in MTRŞ-nın kanalın fəaliyyətinə xitam verilməsi (lisenziyanın ləğvi) barədə qərardan verilən kassasiya şikayətinə baxılıb. Məhkəmə ANS-in kassasiya şikayətini təmin etməyib.

Sentyabrın 27-də Azərbaycan Respublikasının Prezidenti İlham Əliyev MDB-nin üzvü olan dövlətlərin təhlükəsizlik və xüsusi xidmət orqanları rəhbərləri Şurasının Bakıda keçirilən iclasının iştirakçılarını qəbul edib.

May.Az-in məlumatına görə, qonaqları salamlayan Prezident İlham Əliyev çıxış edərək deyib:

- Sabah Bakıda təhlükəsizlik və xüsusi xidmət orqanları rəhbərləri Şurasının iclası işə başlayır. Mən qonaqlarımızı – dost dövlətlərin təhlükəsizlik orqanlarının rəhbərlərini salamlayıram, sizə yaxşı və səmərəli iş arzu edirəm. Əminəm ki, sabahkı iclas ölkələrimizin təhlükəsizlik orqanları arasında qarşılıqlı əlaqələrin gücləndirilməsi işinə xidmət edəcək.

Mənə məlumdur ki, sizin gündəliyiniz yetərincə genişdir, olduqca çoxsaylı məsələlər müzakirə olunacaq. Təbii ki, bütün bu məsələlər əməkdaşlıq, qarşılıqlı anlaşma və dəstək ruhunda müzakirə olunacaq. Biz Şuranın fəaliyyətinə böyük əhəmiyyət veririk, hesab edirik ki, o çox səmərəli, gərəklidir, üzv ölkələr arasında əməkdaşlığın, habelə ölkələrimizdə təhlükəsizlik sisteminin möhkəmlənməsinə kömək edir. Azərbaycan Şuranın üzvləri ilə həm ikitərəfli, həm də çoxtərəfli formatda fəal əməkdaşlıq edir. Biz öz regionumuzda və keçmiş SSRİ məkanında təhlükəsizliyin möhkəmləndirilməsi işinə öz töhfəmizi verməyə çalışırıq.

Bu gün dünyada mövcud vəziyyət hamımıza yaxşı məlumdur. Təəssüf ki, təhlükələr get-gedə artır. Mövcud ənənəvi təhdidlərlə yanaşı, yeni gərginlik ocaqları, münaqişələr, praktiki olaraq bütün qitələri əhatə etmiş terror xarakterli təhdidlər yaranır. Mən yüksək beynəlxalq tribunalardan da dəfələrlə demişəm və həyat da bunu təsdiq edir, bu cür düşünən təkcə mən deyiləm ki, heç bir ölkənin təhlükəsizliyini təkbaşına təmin etmək mümkün deyil. Əməkdaşlıq, qarşılıqlı fəaliyyət olmadan, terrorizmə, radikalizmə, ekstremizmə qarşı mübarizədə səyləri birləşdirmədən təhlükəsizliyi təmin etmək çox çətindir. Həmçinin düşünürəm ki, artıq indi dünyada bu cür tezisləri dəstəkləyənlər getdikcə çoxalır ki, terrorçuların yaxşısı olmur, terrorçuları sənin ölkənə qarşı və ya sənin rəqibin, yaxud düşmənin olan ölkəyə qarşı çıxış edənlərə bölmək olmaz. Terrorizmə qarşı mübarizə qlobal xarakter daşımalıdır. Bu gün təəssüf ki, həm bizim regionda, həm MDB məkanında, həm dünyada, həm Avropada müşahidə etdiyimiz hadisələr belə bir tezisi təsdiq edir ki, təhdidlərin qarşısını almaq üçün bütün ölkələrin xüsusi xidmətləri arasında səylərin birləşdirilməsi, informasiya mübadiləsi, səmimi əməkdaşlıq zəruridir.

Sizin başçılıq etdiyiniz orqanların fəaliyyəti spesifikdir. O, cəmiyyətin üzvlərinin böyük əksəriyyətinin gözünə görünmür. Sizin fəaliyyətinizi mövcud şəraitdə qiymətləndirmək lazımdır. Əgər hər yerdə sakitlikdirsə, təhlükə yoxdursa, deməli, təhlükəsizlik orqanları yaxşı işləyir. Sizin peşə uğurlarınız çox vaxt ictimai diqqətdən kənarda qalır. Çünki sizin fəaliyyətiniz spesifikdir. Son illərdə ölkələrimizin təhlükəsizlik orqanlarının qazandığı uğurlar bəzən məlum olmur. Lakin vətəndaşlar bir şeyi bilirlər ki, təhlükəsizlik orqanları öz işini hər gün yerinə yetirir, istirahət günləri olmadan qanunun və təhlükəsizliyin keşiyində dayanırlar. Buna görə də əlbəttə ki, bir daha demək istəyirəm, artıq böyük tarixə malik olan Şura, – sabah Şuranın 41-ci iclası olacaq, siz dəfələrlə görüşmüsünüz, - özünün səmərəliliyini artıq sübut edib. Xüsusən indiki şəraitdə, səylərin daha artıq birləşdirilməsi, fəaliyyətin əlaqələndirilməsi və əlbəttə, vaxtında informasiya mübadiləsinin zəruri olduğu şəraitdə bu, çox vacibdir. Potensial təhdidlər barədə informasiya mübadiləsinə gəldikdə isə burada söhbət nəinki günlərdən, hətta saatlardan gedir.

Buna görə də biz çalışırıq və bundan sonra da çalışacağıq ki, tərəfdaş ölkələrlə qarşılıqlı fəaliyyəti gücləndirək. Biz hamımız mürəkkəb regionda yaşayırıq, dünya dəyişir, təhlükələr artır. Terrorçu təşkilatlar olduqca təhlükəli silah növlərinə, texnologiyalara yol tapırlar və bütün bunlar, əlbəttə ki, böyük təhlükə doğurur. Yaxın Şərqdə praktiki olaraq nəzarətdən çıxmış hadisələr, Avropa paytaxtlarında, Yer kürəsinin digər regionlarında terror hücumları, gərginliyin artması – bütün bunlar günümüzün reallıqlarıdır. Biz real aləmdə yaşayırıq və təhlükələrə adekvat reaksiya verməli, onları qabaqlamalıyıq. Buna görə də hər bir ölkə, əlbəttə ki, xüsusi xidmətlərin fəaliyyətindən ötrü zəruri şərait yaratmaq üçün öz potensialından maksimum istifadə etməyə çalışır. Biz Azərbaycanda bu sahəyə çox böyük diqqət yetiririk. Bizim xüsusi xidmətlərimiz müasir texnika ilə, avadanlıqla təchiz olunub, onların peşəkarlığı və səmərəliliyi artır. Əlbəttə, öz tərəfimizdən biz həmişə tərəfdaş ölkələrlə sıx əlaqədə işləyəcəyik. Bu ölkələrlə bizi vahid dövlətin tərkibində birgə yaşadığımız uzun tarixi dövr birləşdirir və son 25 ildə artıq müstəqil ölkələr kimi öz münasibətlərimizi tarixi dostluq və qarşılıqlı dəstək ənənələri əsasında qururuq. Buna görə bir daha demək istəyirəm, biz sabahkı iclasa xüsusi əhəmiyyət veririk. Mən şadam ki, həmin iclas bizim ölkəmizdə keçiriləcək. Azərbaycan müstəqillik illərində, son illərdə istənilən təhdidlərə davam gətirmək qabiliyyətini dəfələrlə sübut edib.

Toxunmaq istədiyim daha bir mühüm mövzu barədə mən bu yaxınlarda MDB dövlət başçıları şurasının Bişkekdə keçirilmiş Sammitində də danışmışam. Mən çıxışımda terrorizmə qarşı mübarizədə səylərin birləşdirilməsi məsələsinə də toxunmuşdum və bildirmişdim ki, MDB ölkələrini birləşdirən təkcə ümumi tarix deyil, həm də əməkdaşlığı möhkəmlətmək zərurətini hamının başa düşməsidir. Mənim fikrimcə, bu gün MDB ölkələri müxtəlif tarixə, mədəniyyətə, ənənələrə, dinlərə mənsub olan xalqların qarşılıqlı fəaliyyətinə dair çox mühüm təcrübəni bölüşə bilər. Bu, bizim böyük sərvətimizdir. Əvvəlki illərdə biz belə məsələləri bəlkə də bu dərəcədə kəskin qəbul etmirdik. Bizə elə gəlirdi ki, bu elə belə də olmalıdır. Doğrudan da belə olmalıdır. Lakin heç də hər yerdə belə deyil. Təəssüf ki, son vaxtlar konfessiyalararası, etnoslararası zəmində gərginlik artır, qarşıdurmalar çoxalır. Bu, bütün dünya və bizim ölkələr üçün böyük təhlükədir. Ölkələrimizin hamısı çoxmillətli və çoxkonfessiyalı ölkələrdir. Bizim ölkələrin hamısında sülh və bizim ərazidə yaşayan bütün xalqlar arasında qarşılıqlı anlaşma var. Hesab edirəm ki, bu, xalqlarımızın və əlbəttə, bu istiqamətdə düzgün siyasət yürüdən rəhbərliyin çox böyük xidmətidir. Biz öz nümunəmizlə həm siyasi sahədə, həm də iqtisadi, sosial, mədəni sahələrdə, təhlükəsizlik sahəsində əməkdaşlıq nümayiş etdiririk. Biz göstəririk ki, bəzi dairələrin buna necə yanaşmalarından asılı olmayaraq multikulturalizm prinsipləri yaşayır və qalib gəlir.

Deməliyəm ki, bu il Azərbaycanda "Multikulturalizm ili” elan edilib. Biz BMT-nin Sivilizasiyalar Alyansının Qlobal Forumunu keçirmişik, iki gündən sonra V Beynəlxalq Bakı Humanitar Forumu keçiriləcək. Əvvəlki illərdə biz dinlərarası dialoqla bağlı çoxlu tədbirlər keçirmişik və bu gün bizim topladığımız təcrübə çox ölkələr üçün böyük maraq doğurur. Eyni sözləri sizin təmsil etdiyiniz ölkələr barədə də deyə bilərəm. Çünki mən təbii ki, bizim regionda, postsovet məkanında və bütövlükdə dünyada baş verən hadisələri izləyirəm və müsbət dinamika müşahidə edirəm.

Beləliklə, bütün bu məsələlər qarşılıqlı əlaqəlidir. Təhsilin səviyyəsi ilə bağlı məsələlər təhlükəsizliklə birbaşa bağlıdır. Çünki beyinlərin "yuyulması”, radikal ideologiya o yerdə özünə zəmin tapır ki, orada təhsilə lazımınca əhəmiyyət verilmir. Bizə sovet keçmişindən miras qalmış üstünlüklərdən biri məhz təhsil və savaddır. Bizim ölkələrimizdə savadlılıq mütləq həddədir. Biz bu nailiyyəti qoruyub saxlayırıq və saxlamalıyıq. Ölkələrimizin vətəndaşları arasında, xüsusən gənclər arasında müxtəlif səviyyələrdə mövcud olan əlaqələr də təhlükəsizliyin möhkəmləndirilməsi işində mühüm amildir. Ona görə ki, gənclər bir-birini tanıyacaq, bir-birinə qonaq gedəcək, ünsiyyət saxlayacaq, dostluq edəcək. Əlbəttə ki, bir-birini dost və tərəfdaş kimi qəbul edəcəklər. Odur ki, təhlükəsizlik orqanlarının fəaliyyəti dövlətin siyasətindən ayrı mümkün deyil. Biz Azərbaycanda məhz əməkdaşlığın, qarşılıqlı anlaşmanın möhkəmlənməsinə, qarşılıqlı həmrəyliyə, çoxkonfessiyalı dünyaya yönəlmiş ardıcıl siyasət yürüdürük və çoxmillətli dövlət olaraq öz ölkəmizin bütün vətəndaşları ilə fəxr edirik. Düşünürəm ki, bu, təhlükəsizliyin möhkəmləndirilməsi, iqtisadi, sosial məsələlərin həlli və ölkənin inkişafı baxımından Azərbaycanın uğurlu inkişafının başlıca təməlidir.

Buna görə də sabah sizi böyük iş gözləyir. Bununla bağlı bəzi mülahizələrimi sizə çatdırmaq, sizə uğurlar arzulamaq və təşəkkür etmək istəyirdim. Siz mühüm məsələlərin müzakirəsi üçün Bakıya gəlmisiniz. Güman edirəm ki, Azərbaycanın reallıqları ilə bir daha tanış olmaq, sabahkı günü həm işdə keçirmək, həm də yaxşı istirahət etmək imkanınız olacaq. Bir daha xoş gəlmisiniz".

Biri radara sürəti ölçməyə mane olur, digəri isə yolda radar olub-olmadığını göstərir. Söhbət antiradar və radar detektorlarından gedir. Hər iki cihaz qanunla qadağan olunub. Antiradar və radar detektorlarından istifadə edən sürücüləri isə yüksək məbləğdə cərimə gözləyir.

Baş Dövlət Yol Polisi İdarəsinin höbə rəisi Kamran Əliyevin sözlərinə görə, antiradarlar radarların işinə mane olduğuna görə qadağan edilib. Radar detektorları isə sürücünün diqqətini yoldan yayındırdığı üçün qadağan edilib. Çünki sürücü bütün diqqətini yol nişanlarına yox, yalnız həmin cihazdan gələn siqnallara yönəldir.

Havalar soyuduqdan sonra bazarlarda kənd təsərrüfatı məhsullarının qiymətində artım müşahidə edilir.

May.Az bildirir ki, məhsullarda 10 qəpik - 1 manat arası bahalaşma var. Məsələn, 50 qəpiyə satılan badımcan 70 qəpik, kələm 60 qəpik, pomidor 1 manat 50 qəpik, xiyar 1 manat, nar 2-3 manat, üzüm 2-3 manat, armud 1 manat 50 qəpik, yerkökü 1 manatdan təklif olunur.

Ekspertlər bildirir ki, bahalaşma mövsüm, eyni zamanda ixrac və idxaldan asılı olaraq dəyişir.

Kənd Təsərrüfatı Nazirliyindən bildirilib ki, indi bazarlarda müşahidə olunan qiymət artımı mövsümü xarekter daşıyır.

Ümumdünya İqtisadi Forumu (World Economic Forum, WEF) qlobal rəqabətqabiliyyətlilik reytinqini açıqlayıb.

May.Az APA-ya istinadən bildirir ki, Azərbaycan reytinqdə ötən illə müqayisədə 1 pillə irəliləyərək 37-ci yeri tutub.

Postsovet ölkələrindən Azərbaycan Rusiya (43), Qazaxıstan (53) və Ukraynanı (85) qabaqlaya bilib.

Reytinqə ötən il olduğu kimi, İsveçrə başçılıq edir. İkinci və üçüncü yerləri Sinqapur və ABŞ bölüşür.

Qeyd edək ki, reytinq infrastrukturun, əmək bazarının səmərəliliyi, təhsil və səhiyyə sektorlarının keyfiyyəti, makroiqtisadi sabitlik və s. meyarlar əsasında hazırlanır.

Sentyabrın 28-nə manatın məzənnəsi açıqlanıb.

Azərbaycan Mərkəzi Bankından May.Az-a verilən məlumata görə, 28.09.2016-cı il tarixinə USD/AZN rəsmi məzənnəsi 1,6252 səviyyəsində müəyyən olunub.

Qeyd edək ki, sentyabrın 27-də USD/AZN rəsmi məzənnəsi 1,6292 manat təşkil edib.

Azad Əliyev

Bakı şəhərinin Suraxanı, Nərimanov və Xətai rayonlarının təbii qaz təchizatında məhdudiyyətlər olacaq.

May.Az-in məlumatıma görə, 7-ci Əhmədli küçəsində yeni çəkilmiş qaz xəttinin mövcud şəbəkəyə qoşulması, həmçinin Nərimanov rayonu F.Yusifov küçəsi 1987-ci məhəllədə yerləşən Azərbaycan Gözdən Əlillər cəmiyyətinə məxsus 152 mənzilli yaşayış binasının qaz xəttinin mənbəyə birləşdirilməsi və istismarı dayandırılmış qaz xətlərinin şəbəkədan ayrılması ilə əlaqədar sentyabrın 28-də saat 09:00-dan 18:00-dək Suraxanı rayonunun Günəşli, Bülbülə, Qaraçuxur və Əmircan qəsəbələrində, eləcə də Nərimanov rayonunun Montin qəsəbəsi, H.Əliyev prospekti, M.Nərimanov, Həsənoğlu, Ə.Əliyev və digər ətraf küçələrin ərazisində, həmçinin Xətai rayonunun Sarayeva, Q.Nəbi, M.Rüstəm, Cavanşir, Sadıqcan, M.Hadi, S.Ə.Şirvani, Mehmandarov, Şıxlınski küçələrində. Gəncə prospekti və Zığ yolu ətrafının bir hissəsində təbii qazın verilişində fasilələr yaranacaq.

Aparılan işlərin Sabunçu rayonunun bir hissəsinin və Qaradağ rayonunun Lökbatan qəsəbəsinin qaz təchizatına təsir göstərməsi mümkündür.

"Bir gün öncə qəbul etdiyim spirtli içkinin ağzımdan gələn cüzi qoxusuna görə yol polisi məni cərimələdi. Həm də xeyli miqdarda spirtli içki qəbul edən adamın cəzası qədər cəza aldım".

Bunu Sputnik-ə müraciət edən paytaxt sakini Vahid Quliyev deyib. Vətəndaş sərxoş halda avtomobil idarə edilməsi ilə bağlı qanunda boşluqlar olduğundan gileylənib: "Az və çox miqdarda qəbul edilməsinə, qəbul edildikdən sonra üstündən nə qədər müddət keçməsinə fikir verən yoxdur. Ağzından zərrə iyi gəldi, vəssalam".

Problemi Sputnik-ə şərh edən keçmiş polis rəisi Mahmud Hacıyev də bu məsələdə qanunvericiliyin yetərli olmadığını deyib: "Son beş ildə yol nəqliyyat hadisələrinin çoxalması nəticəsində İnzibati Xətalar Məcəlləsinin "Yol hərəkəti haqqında" qanunvericiliyinə əlavələr və dəyişikliklər olundu. Qanunları tez-tez dəyişmək və ya əlavələr etmək yaxşı hal deyil. Qanunlar qəbul edilərkən hərtərəfli baxılıb sonra qəbul edilməlidir ki, sonradan bir neçə il keçmədən dəyişdirilməsin".

"Azərbaycanda yol nəqliyyat hadisələri həddindən artıq çoxalması, xüsusilə sərxoş halda avtomobil idarəetməsi zamanı qəzaların artması, bu sahədə qanunları daha da sərtləşdirmək zərurəti yaratdı. Amma cəzanı ağırlaşdırmaq hadisəni aradan qaldırmır, bunun üçün başqa variantlardan istifadə edilməlidir. Görülən tədbirlər onun qarşısını almırsa, deməli başqa işlər görmək lazımdır", — polis zabiti qeyd edib.

M. Hacıyevin sözlərinə görə, Avropadakı avtomobil yolları və analoji qanunları ilə bizim yollarımız və qanunvericiliyimiz arasında çox fərq var: "Hər şeydən öncə, Avropada sürücülər qaydalara riayət edirlər. O ki qaldı dünən qəbul edilən spirtli içkiyə görə bu gün cərimə olunmağa, bu məsələ ilə bağlı qanunda boşluqlar var. Yəni, problem mübahisəlidir". Nəqliyyat məsələləri üzrə ekspert Azər Allahverənov Sputnik-ə açıqlamasında, Azərbaycanda baş verən qəzaların əksəriyyətinin spirtli içki qəbulu səbəbindən baş verdiyini deyib: "Bununla bağlı güzəşt olmamalıdır. Qanunların sərtləşdirilməsi və cərimələrin artırılmasının da məqsədi məhz sürücüləri sərxoş şəkildə avtomobil idarə etməkdən çəkindirməkdir".

"Eyni zamanda maarifləndirmə üsullarından istifadə edilməlidir və insanların şüuruna yeridilməlidir ki, sərxoş vəziyyətdə avtomobil idarə etmək həm özləri, həm də ətrafında olan insanlar üçün təhlükəlidir. Biz sürücülər diqqətli olmalıyıq. Sərxoş insanlar da ayıq sürücülərin köməyindən istifadə etsə, yaxşı olar", — ekspert bildirib.

Həkim Vasif İsmayıl isə məsələyə fərqli yanaşır. O, Sputnik əməkdaşı ilə söhbətində, yediyimiz qidaların çoxunun tərkibində spirt olduğunu söyləyib: "Ən vacib olan nüans insan orqanizminin həmin alkoqola reaksiya müddətidir. Bunun 3 komponenti var: Bir — gördüyümüzü anlamalıyıq, iki — gördüyümüz halda nəticə çıxarmalıyıq, üç — nəticəyə uyğun olaraq hərəkət etməliyik. Spirtli içkilər bu reaksiyaları gecikdirir və bu da bədbəxt hadisəyə səbəb olur".

Mütəxəssisin sözlərinə görə, mövcud qanunvericilikdə avtomobil idarə edilməsi zamanı maksimum sərxoşluq səviyyəsini 0.3 promil götürülməsinin səbəbi də, məhz qəbul etdiyimiz qidaların tərkibində az miqdarda spirt olması ilə əlaqədardır: "Ona görə 0.3 promil limit qoyulur ki, yediyimiz qidalardaki spirt analiz zamanı qanda aşkarlana bilər və biz cərimə ödəməli olarıq. Alkoqol 0.5 faizdən çox olanda artıq reaksiya gecikmələri olur. 0.5 promil tam sərxoşluq demək deyil, sadəcə reaksiya gecikdirmə vəziyyəti yaradır". "Spirtli içkilər növündən və qəbul edilən içkinin miqdarından və həcmindən, eyni zamanda yediyimiz yeməkdən asılıdır. İçki 6-12 saat ərzində bədəndən təmizlənir. Spirtli içkinin qoxusunun gəlməsi sürücünün sərxoş olması demək deyil. Əsas olan qanda çıxan spirtin normasıdır. Yol polisi yoxladığı cihazla protokol tərtib edə bilməz. Həkim tərəfindən qan analizinin nəticələri bəlli olduqdan sonra protokol yazıla bilər", — V. İsmayıl vurğulayıb.

Sentyabrın 28-nə manatın məzənnəsi açıqlanıb.

Azərbaycan Mərkəzi Bankından May.Az-a verilən məlumata görə, 28.09.2016-cı il tarixinə USD/AZN rəsmi məzənnəsi 1,6252 səviyyəsində müəyyən olunub.

Qeyd edək ki, sentyabrın 27-də USD/AZN rəsmi məzənnəsi 1,6292 manat təşkil edib.

Şahin Həbibov

Azərbaycan Prezidenti İlham Əliyev Sumqayıt şəhərində çoxmənzilli binaların dam örtüklərinin dəyişdirilməsi və şəhər avtomobil yollarının əsaslı təmiri işlərinin davam etdirilməsi ilə bağlı əlavə tədbirlər haqqında sərəncam imzalayıb.

Azərbaycan Respublikası regionlarının sosial-iqtisadi inkişafı Dövlət Proqramlarının uğurlu icrası nəticəsində Sumqayıt şəhərinin sosial-iqtisadi inkişafı, infrastruktur layihələrinin yerinə yetirilməsi və ümumilikdə əhalini narahat edən problemlərin həlli sahəsində mühüm tədbirlər həyata keçirilmiş, o cümlədən Paralimpiya və Olimpiya İdman Kompleksləri, Əlillərin Bərpa Mərkəzi, əlil və şəhid ailələri üçün ümumilikdə 240 mənzilli 5 yaşayış binası, Gənclər Mərkəzi, Uşaq-Gənclər Şahmat məktəbi, Uşaq İncəsənət məktəbi inşa edilmiş, 300 çarpayılıq Şəhər Mərkəzi Xəstəxanasının, Tarix Muzeyinin, Sumqayıt Dövlət Dram Teatrının binaları əsaslı təmir olunmuş, 106 hektar ərazidə dənizkənarı bulvar kompleksi salınmış, "Asan xidmət” Mərkəzi fəaliyyətə başlamış, təhsil və digər sosialyönümlü obyektlər istifadəyə verilmiş, iri sənaye müəssisələri yaradılmış, 53 mindən çox yeni iş yeri açılmış, geniş abadlıq-quruculuq işləri görülmüşdür.

Sərəncamda qeyd olunur ki, Sumqayıt şəhərində abadlıq-quruculuq işlərinin, o cümlədən çoxmənzilli binaların dam örtüklərinin dəyişdirilməsi və şəhər avtomobil yollarının əsaslı təmirinin davam etdirilməsi məqsədilə Sumqayıt Şəhər İcra Hakimiyyətinə Azərbaycan Respublikasının 2016-cı il dövlət büdcəsində nəzərdə tutulmuş Azərbaycan Prezidentinin ehtiyat fondundan 5 milyon manat ayrılsın.

Maliyyə Nazirliyinə bu sərəncamda göstərilən məbləğdə maliyyələşməni təmin etmək tapşırılıb.

Bakı Ağır Cinayətlər Məhkəməsində "Azərbaycan Beynəlxalq Bankı”nın keçmiş sədri Cahangir Hacıyev və digər 7 nəfərin cinayət işi üzrə məhkəmə prosesi keçirilib. Bizimyol.info saytının prosesdə iştirak edən əməkdaşının bildirdiyinə görə, hakim Əfqan Hacıyevin sədrliyi ilə keçirilən prosesdə dövlət ittihmçısı çıxış edərək, təqsirləndirilən şəxslərə cəza istəyib.

Prokuror Fərid Nağıyev çıxışında verilmiş ittihamın sübuta yetirildiyini, Cahangir Hacıyev və digərlərinin vəzifə səlahiyyətlərini aşmaqla mütəşəkkil dəstə şəklində mənimsəməyə yol verdikləri bildirərək, Cahangir Hacıyevin 17 il, İlqar Abdullayevin 8 il, Yusif Ələkbərov 11 il, İbrahim Hüseynov 11 il, Anar Sultanovun 8 il, Məmməd Cahangirovun 8 il, Kənan Orucovun 7 il 6 ay, Azad Cavadovun 12 il 11 ay müddətinə azadlıqdan məhrum edilməsini istəyib. Eləcə də, təqsirləndirilən şəxslərin hər birinin 3 il müddətə dövlət və yerli özünü idarə orqanlarında rəhbər tutmaqdan məhrum edilməsini istəyib.

Prokuror həmçinin barəsində təqsirləndirilən şəxslərdən 4 nəfərin barəsində seçilmiş "polis nəzarətinə verilmə”qətimkan tədbirinin dəyişdirilərək həbs-qətimkan tədbiri ilə əvəzlənməsini məhkəmədən xahiş edib.

Onun sözlərinə görə, təqsirləndirilən şəxslərdən Cahangir Hacıyevin əməlində yüngülləşdirici və ya ağırlaşdırıcı halalr yoxdur. Digər şəxslərin himayəsində azyaşlı uşaq olmasını yüngülləşdirici hal kimi nəzərə alınmasını istəyib.

Təqsirləndirilən Azad Cavadovun barəsində olan 4 il sənaq müddəti ilə şərti cəzanın isə yeni hökmdə nəzərə alınmasını məhkəmənin nəzərinə çatdırıb.

İş üzrə zərərçəkmiş qismində tanınmış "Beynəlxalq Bank”ın nümayəndəsi isə 211 milyon manatın mənimsənilməsi yolu ilə banka vurulmuş ziyanın təqsirləndirilən şəxslərdən müştərək qaydada tutulmasını xahiş edib.

Vəkillər müdafiə çıxışı üçün vaxt istəyib. Proses oktyabrın 3-də davam edəcək.

"Azərbaycan Beynəlxalq Bankı” Açıq Səhmdar Cəmiyyətinin İdarə Heyətinin sabiq sədri C.Hacıyev, Mərkəzi filialın direktorları işləmiş Yusif Ələkbərov və Anar Sultanov, Mərkəzi filialın müdiri işləmiş İlqar Abdullayev, bankın inzibati binalarının mühafizəsini həyata keçirən "İnter Security” MMC-nin baş direktoru İbrahim Hüseynov, bankın Nəqliyyat filialının direktoru işləmiş Kənan Orucov, bankın Nərimanov filialının direktoru işləmiş, hazırda "AFB Bank" ASC-nin Müşahidə Şurasının sədri olan Məmməd Cahangirov və Bakı Fındıq Zavodunun direktoru işləmiş Azad Cavadov mənimsəmə, vəzifə səlahiyyətlərindən sui-istifadə, vəzifə səlahiyyətlərini aşma və digər əməllərdə ittiham edilirlər.