Bakı Şəhər Baş Polis İdarəsinin Dövlət Yol Polisi İdarəsi (BŞBPİ DYPİ) paytaxtda müşahidə edilən yağışlı hava şəraiti ilə əlaqədar olaraq sürücülərə xəbərdarlıq edib.

İdarənin İctimai əlaqələr bölməsinin rəisi, polis polkovniki Vaqif Əsədov May.Az-a bildirib ki, paytaxta yağan güclü yağışla əlaqədar bəzi küçə və prospektlərdə avtomobillərin sıxlığı müşahidə edilir. Bu cür hallarda sürücülərdən təmkinli olmaları və avtomobillərini minimum sürətlə idarə etmələri xahiş olunur.

"Bakının Tbilisi prospekti, Bakı-Sumqayıt şossesi, Babək prospekti, aeroport yolunda havanın yağmurlu keçməsi ilə əlaqədar təhlükəsizliyin təmin edilməsi məqsədilə hər zolaq üzrə sürət həddi 20 km/saat aşağı salınıb. Məsələn, aeroport yolunda 120 km/saat olan sürət həddi 100 km/saat müəyyən edilib. Hava şəraitindən asılı olmayaraq, yalnız texniki cəhətdən saz olan avtomobillər istismara buraxılmalıdırlar. Çiskin və yağmurlu hava şəraitində avtomobilin texniki sazlığı bir daha nəzərdən keçirməlidir", - deyə V.Əsədov bildirib.

Onun sözlərinə görə, əsas təhlükə yarada biləcək məqamlar isə avtomobilin əyləc sisteminin və şüşəsilənlərinin işlək vəziyyətdə olmamasıdır: "Digər tərəfdən, sürət həddi aşağı salınmalı, ara məsafə daha çox saxlanılmalı, bu cür hava şəraitində əyləcdən daha az istifadə olunmalıdır. Çünki əyləc sistemindən tez-tez istifadə etmək avtomobilin sürüşmə ehtimalını artırır".

Polis polkovniki əlavə edib ki, sürücülər çirkli suların yaratdığı gölməçələrin üzərindən keçərkən ətrafda hərəkət edən piyadaları nəzərə almalıdırlar və avtomobili minimum sürətlə idarə etməlidirlər.

V.Əsədov qeyd edib ki, yol-patrul xidməti əməkdaşları tərəfindən paytaxtın bütün prospket və küçələrində xidmət gücləndirilib, bütün istiqamətlər üzrə avtomobillərin hərəkəti tənzimlənir və hazırda sıxlıq müşahidə edilmir.

Tanınmış stilist Samir Əliyevin (Samiraldo) səhhətinin pisləşdiyi, hətta xəstəxanaya yerləşdirildiyi haqda məlumat yayılıb.

Atv.az sözügedən məlumatı dəqiqləşdirmək üçün Samiraldo ilə əlaqə saxlayıb. O qeyd edib ki, səhhətində problem olsa da, xəstəxanaya yerləşdirilməsi ilə bağlı deyilənlər doğru deyil:

"Əhval-ruhiyyəm yaxşıdır. Fəsil dəyişdiyi üçün bir az səhhətimdə problem vardı. Xəstəxanaya yerləşdirilməmişəm. İndi yaxşıyam".

Günün pik saatlarında paytaxtda müşahidə edilən tıxac problemi hələ də insanların əsəb sistemini korlamaqda davam edir. Heç kimə sirr deyil ki, xüsusilə dayanacaqlara yaxın yerlərdə, səki boyu düzülən taksilərin bu tıxaclarda payı az deyil.

Bakı Nəqliyyat Agentliyinin (BNA) İctimaiyyətlə əlaqələr şöbəsinin müdiri Nuridə Allahyarova Modern.az-a açıqlamasında faktı təsdiq edərək problemin yaxın vaxtlarda həll olunacağını bildirib.

Öncə fərqlənmə nişanı...

"Bu, uzun zamandır icrasına başladığımız məsələdir. Hələ də rəsmi qeydiyyatdan keçmədən, fərqlənmə nişanı almadan xidmət göstərən taksilər mövcuddur. Fərqlənmə nişanı olmadan xidmət göstərən şirkət, fiziki şəxs, sahibkar mütləq Bakı Nəqliyyat Agentliyinə müraciət etməlidir.

Onlar müvafiq rüsumu bankda ödədikdən sonra fərqlənmə nişanı əldə edirlər. Yalnız bundan sonra Agentlik fərqlənmə nişanı verir. Nişan aldıqdan sonra sadaladığınız hərc-mərclik, taksilərin istənilən şəkildə avtobus dayanacaqlarını zəbt etməsi, istədikləri qiyməti müəyyən etməsinin tənzimlənməsi kimi məsələlər prosesin ikinci mərhələsidir.

Gələcək üçün nəinki avtobuslarda, eyni zamanda taksilərdə taksometrlər quraşdırılması nəzərdə tutulub. Həmin taksometrə uyğun olaraq vətəndaş biləcək ki, bu, dövlət qeydiyyatlı taksidir. Xidmət göstərən sürücü də taksometrdə göstərilmiş yola uyğunlaşdırılmış rəqəm nümunəsində ödəniş alacaq. Bu baxımdan rəqabətli mühit formalaşacaq”.

Taksilər üçün sürət həddi müəyyənləşir

Agentlik rəsmisi qeyd edib ki, növbəti məsələ taksi dayanacaqları ilə bağlıdır:

"Əslində Bakının inzibati ərazisində kifayət qədər pasportlaşdırılmış və pasportlaşdırılmamış taksi dayanacaqları var. Amma bu taksi dayanacaqlarının heç biri istifadə olunmur. Taksi sürücüləri qeyd edir ki, dayanacaqlar hökmən ticarət mərkəzlərinin önündə, metro stansiyaların çıxışlarında olmalıdır. Dünyanın heç bir ölkəsində taksilər üçün dayanacaqlar ticarət mərkəzinin, metro stansiyaların çıxışda olmur. Yer avtobuslara mane olmamaq şərtilə ayrılır.
Bu baxımdan tezliklə taksi dayanacaqlarının hamısı nəzərdən keçiriləcək. Standartlara uyğun olanlar taksi sürücülərinin ixtiyarına veriləcək.
Taksilərin pərakəndəliyi, avtobus dayanacaqlarına daxil olmaları, tənzimlənməyən sürət həddi tənzimlənəcək. Taksi də avtobus kimi müəyyən limit sürətə otuzdurulacaq. Çünki, taksi də müntəzəm sərnişin daşınması, ictimai nəqliyyat xidmətinə aiddir. Taksi öz ailə üzvlərini deyil, xidmət göstərərək ictimaiyyətin nümayəndələrini daşıyır”.

"Qanunsuz taksi fəaliyyətilə məşğul olanlar cəzalanacaq”

N.Allahyarova qeyd edib ki, taksi xidməti göstərənlərin rəsmi statistikasını aparmaq mümkün deyil:

"Çünki, müəyyən insanlar var ki, günün bəzi saatları hansısa işdə işlədikdən sonra taksi fəaliyyətilə məşğul olur. Məhz onları müəyyən etmək problem yaradır. Ona görə fərqlənmə nişanı almaq üçün sürücülərin özlərinin bizə müraciət etməsini xahiş edirik. Bu, həm də vergidən yayınmanın qarşısını alır. Bizim işçilər tərəfindən təyin olunarsa ki, şəxs qanunsuz taksi fəaliyyətilə məşğuldur, o zaman aiddiyyatı qurumlara müraciət olunacaq, barələrində cəza tədbirləri görüləcək”.

Əməkdar artist Zöhrə Abdullayeva gəlinindən danışıb.

Axşam.az-ın məlumatına görə, müğənni "10-dan sonra” verilişində gəlinin hakim olduğunu bildirib:

"Qayınanam yaxşı qadın olub. Onu anamla eyni bərabərlikdə istəmişəm. Ərimdən yarımamışam, qayınanam qızıl kimi qadın idi. Allah bir başa iki qapaz vurmaz axı... Birini pis etdi, digərini yaxşı. Amma qayınananın yaxşı olmasını nə edirəm, ər yaxşı olardı. Şükür öz gəlinimdən yarıdım. Gəlinim hakimdir, ondan qorxuram”.

Dünən həkim Vasif İsmayıl mətbuata açıqlamasında bildirib ki, spirtli içkinin qoxusunun gəlməsi sürücünün sərxoş olması demək deyil. Əsas olan qanda çıxan spirtin normasıdır. Yol polisi yoxladığı cihazla protokol tərtib edə bilməz. Həkim tərəfindən qan analizinin nəticələri bəlli olduqdan sonra protokol yazıla bilər.

Məsələ ilə bağlı Avtosfer.az-a açıqlama verən DİN-in Baş Dövlət Yol Polisi İdarəsinin şöbə rəisi Kamran Əliyev "Ağız iyləməklə protokol yazıla bilməz!” başlıqlı məqaləyə və yazıdakı fikirlərə ayıdınlıq gətirib. Onun sözlərinə görə, sürücülərə yalnız ağızdan gələn qoxuya görə inzibati protokol yazılmır və yazıla da bilməz:

"Ola bilər ki, yol patrul xidməti əməkdaşı sürücü ilə ünsiyyətdə olarkən alkaqol qoxusunu hiss etsin və onun sərxoş vəziyyətdə nəqliyyat vasitəsini idarə etməsindən şübhələnsin. Lakin bu şübhə heç bir əməkdaşa əsas vermir ki, o ağız qoxusuna görə inzibati protokol tərtib etsin. Sərxoş vəziyyətdə nəqliyyat vasitəsinin idarə olunmasına görə inzibati xəta haqqında protokol yalnız Nazirlər Kabinetinin 2014-cü il 27 iyun tarixli 209 nömrəli qərarı ilə təsdiq edilmiş qaydalara uyğun şəkildə müayinədən keçirildikdən sonra tərtib edilə bilər. Həmin Qaydaların tələblərinə əsasən nəqliyyat vasitəsini idarə edən şəxsin sərxoşluq vəziyyətinin müəyyən edilməsi onun nəfəsindən alkoqollu içki qoxusu gəldiyi, ayaq üstə sərbəst dayana bilmədiyi və ya özünü idarə edə bilmədiyi kimi əlamətlərdən biri müşahidə olunduqda YPX inspektorlarının istifadəsində olan texniki vasitələrin, yəni alkotester və ya narkotesterin köməyi ilə həyata keçirilir".

O ki qaldı "həkim tərəfindən qan analizinin nəticələri bəlli olduqdan sonra protokol yazıla bilər” fikrinə, Kamran Əliyevin sözlərinə görə, qaydalarda konkret göstərilib ki, şəxsin xüsusi texniki vasitələrlə yoxlanılması zamanı alkoqollu içkidən və yaxud narkotik vasitələrdən, psixotrop və digər güclü təsir edən maddələrdən istifadə edilməsi nəticəsində sərxoşluq vəziyyəti müəyyən olunarsa, polis əməkdaşları tərəfindən İnzibati Xətalar Məcəlləsinin 406-cı maddəsinə uyğun olaraq protokol tərtib edilir:

"Həmin Qaydalarda o da qeyd ounub ki, nəqliyyat vasitəsini idarə edən şəxs alkoqollu içkidən və yaxud narkotik vasitələrdən, psixotrop və digər güclü təsir edən maddələrdən istifadə edilməsi nəticəsində sərxoş vəziyyətdə olub-olmamasının müəyyən edilməsindən imtina etdikdə və ya xüsusi texniki vasitə ilə müayinənin nəticəsindən narazı olduqda, lakin onun sərxoşluq əlamətləri özünü aşkar büruzə verdikdə, həmin şəxs tibbi müayinəyə göndərilir.
Odur ki, xüsusi texniki vasitə ilə müayinədən keçməkdən imtina etməyən və müayinənin nəticəsi ilə razılaşan şəxsin barəsində inzibati xəta haqqında protokolun tərtib edilməsi qanunvericiliyin tələblərinə uyğundur".

May.Az xəbər verir ki o, nazir olmaq istəyir.

Rejissor bu barədə sosial şəbəkədə yazıb. O, "Mədəniyyət naziri olmaq istəyirəm. Özü də nəyi var” - sözlərini qeyd edib.

Xatırladaq ki, Kənan M.M. bir neçə gün əvvəl ölkədə rejissorların dilənçi günündə yaşadıqlarını yazmışdı:

"Bəlkə də bu yazıdan sonra mənim çəkdiyim işlər işıq üzü görməyəcək, amma demək lazımdır. Məni "Gecə qonağı”nda sürüdünüz, bir az da bundan yazın. Hislərim, duyğularım paramparçadır.

Bir gecənin içində "Qayıdış” ilin ən yaxşı filmi seçildi. Heç bir tamaşaçı bilmir ki, bizdə aktrisalar 600 manat maaş alır. Rejissor çox şeydə borclu qalır. Bilmirsiniz ki, rejissor çəkiliş edəndə bazar alverçisi kimi alver edir, yer danışır, bir filmi çəkmək üçün dilənçiliyə başlayır... Bəli, bu sözü utanmadan böyük hərflərlə yazıram. Azərbaycan rejissorları dilənçi günündədir. Məni bu hala salanlar utansın. Çünki kinoteatrlar çəkilən filmin gəlirinin 60 faizini bizdən alır. Onlar Azərbaycan filminin qatilləridir.

Nə isə, gedim dilənməyə. Axı mənim tamaşaçılarım "Gecə qonağı 2” gözləyir. Hər şey sizlər üçün, sadəcə, dua edin. Bəzi insanlar yanlış yerdə yaşayırlar. Məni anlayanda mən buralarda olmayacağam. Ya o biri dünyada olacağam, ya da başqa ölkədə. Bu ölkədə ciddi filmləri izləyəcək tamaşaçı azdır. Onları qınamıram, o qədər düşük, bambılı filmlər izləyiblər ki, zövqləri elə formalaşıb”.

Sentyabrın 29-na manatın məzənnəsi açıqlanıb.

Azərbaycan Mərkəzi Bankından May.Az-a verilən məlumata görə, 29.09.2016-cı il tarixinə USD/AZN rəsmi məzənnəsi 1,6252 səviyyəsində müəyyən olunub.

Qeyd edək ki, sentyabrın 28-də də USD/AZN rəsmi məzənnəsi 1,6252 manat təşkil edib.

Azərbaycan Belarusdan 300 kilometrlik məsafəni hədəf alan yeni raket qurğusu alır.

Bu barədə Trend-ə "ADEX 2016" II Azərbaycan Beynəlxalq Müdafiə sərgisində iştirak edən Belarusun "Volatavto" şirkətindən məlumat verilib.

Bildirilib ki, 2016-cı ildə istehsal edilən yeni raket qurğusu ilin sonunadək satışa çıxarılacaq.

Azərbaycan Müdafiə Nazirliyi raket qurğusunun alınması ilə bağlı şirkətlə danışıqlar aparıb və razılıq əldə edib.

Milli Televiziya və Radio Şurası (MTRŞ) Qafqaz Müsəlmanları İdarəsinin sədri Hacı Allahşükür Paşazadənin dini mövzuda yayım həyata keçirəcək televiziya və radionun açılması ilə bağlı fikirlərinə münasibət bildirib.

Qurumun Aparat rəhbəri Toğrul Məmmədov bildirib ki, bu məsələ "Televiziya və radio yayımı haqqında" qanunla tənzimlənir.

O qeyd edib ki, qanunun 10-cu maddəsinin tələbinə əsasən, Azərbaycanda dini televiziya və radionun təsis edilməsi və yayımı mümkün deyil:

"Qanunvercilik buna yol vermir. Eyni zamanda, Şura tərəfindən yaxın gələcəkdə yeni telekanalın açılması üçün müsabiqənin elan edilməsi də gözlənilmir". (report)

Vergilər Nazirliyi yanında Bakı Vergilər Departamenti tərəfindən paytaxtın müxtəlif rayonlarında fəaliyyət göstərən bir sıra borclu vergi ödəyicilərində əmlakın siyahıya alınması tədbirləri keçirilib.

Nazirliyin Analitik-informasiya şöbəsindən May.Az-a verilən məlumata görə, Nizami rayonu, B.Çobanzadə küçəsi, məhəllə 2403 ünvanda yerləşən "Emin-N” MMC-yə məxsus "Golden ring” şadlıq sarayının fəaliyyəti araşdırılarkən, onun 92 min 991 manat vergi borcunun olduğu müəyyən edilib. Vergi ödəyicisinə borcun ödənilməsi barədə bildiriş göndərilsə də, borc qanunvericilikdə nəzərdə tutulan müddətdə ödənilmədiyindən, Vergi Məcəlləsinin 89-cu maddəsinə əsasən, vergi borcunun ödənilməsini təmin etmək məqsədilə əmlakın siyahıya alınması haqqında qərar çıxarılıb və obyektdəki 38900 manat məbləğində mebel və məişət avadanlıqları müvafiq qaydada siyahıya alınıb.

Sabunçu rayonu, Bakıxanov qəsəbəsi, S.Mehmandarov küçəsi, ev 5A ünvanda yerləşən fiziki şəxs Quliyev Rüfət Faiq oğluna məxsus "Xoşbəxtlik” şadlıq evinin də 58344 manat vergi borcunun ödənilməsini təmin etmək məqsədilə əmlakın siyahıya alınması haqqında qərar çıxarılıb və obyektdəki 24250 manat dəyərində mebel və məişət avadanlıqları siyahıya alınıb.

"Azərbaycanda bankların bağlanması zəif, qeyri-sağlam kredit təşkilatlarının ölkə iqtisadiyyatına mənfi təsirini azaltmaq məqsədi daşıyır".

Trend-in məlumatına görə, bunu Azərbaycan Mərkəzi Bankının sədr müavini Aftandil Babayev Milli Məclisin İqtisadi siyasət, sənaye və sahibkarlıq komitəsinin iclasında deyib.

Onun sözlərinə görə, bankların bağlanması, ləğvi, lisenziyalarının geri alınması prosesi təkcə Azərbaycanda deyil, dünyanın bir çox ölkələrində baş verir.

Qeyd edək ki, hazırda ölkədə 33 bank fəaliyyət göstərir.

Azərbaycanda artıq "Sex shop" fəaliyyətə başlayıb.

Belə ki, internet üzərindən alıcılarına məhsullar təqdim edən sayt seks aksesuarlarını da qadınlar və kişilər üçün satışa çıxarıb.

May.Az cebhe.info-ya istinadən bildirir ki, yalnız internet üzərindən satış keçirən şirkət, həmçinin pulsuz çatdırılma xidmətini də təklif edib.