Azərbaycanlı idmançı Bahar Nəbiyeva son görüntülərini paylaşıb.

May.Az-in məlumatına görə, əslən azərbaycanlı olan idmançı Ukraynada yaşayır. Əzələli ayaqları və ideal bədəni sayəsində Instagramda böyük məşhurluq qazanan Bahar kişilərin həsəd aparacağı bədənə sahibdir.

Bahar 2013-cü ildən etibarən idmanla məşğul olmağa başlayıb və 3 il ərzində belə heyrətamiz nəticə əldə edib.

Nazim Babayev

Bu gün Bakı Ağır Cinayətlər Məhkəməsində insan alverində ittiham olunan Nəzrin İbrahimlinin cinayət işi üzrə məhkəmə istintaqı yekunlaşıb.

Virtualaz.org saytının əldə etdiyi xəbərə görə, prosesə Mayıl Bayramov sədrlik edib.

Prosesdə hökm oxunub. Hökmə görə, N.İbrahimli 9 il müddətinə azadlıqdan məhrum edilib. O, məhkəmə zalında həbs olunub.

Qeyd edək ki, N.İbrahimli qadınları Birləşmiş Ərəb Əmirliklərinin Dubay şəhərinə apararaq cinsi istismara məruz qoymaqda ittiham olunub.

"Abşeron” və "Hacıqabul” magistral qaz kəmərləri sahələrində cari təmir işləri aparılacaq.

May.Az SOCAR-ın saytına istinadən xəbər verir ki, sentyabrın 6-də saat 09:00-dan 18:00-dək "Qaz İxrac” İdarəsinin "Abşeron” magistral qaz kəmərləri sahəsinin "Alatava”, "Hacıqabul” magistral qaz kəmərləri sahəsinin "Qarasu” qazpaylama stansiyalarında və bəzi ölçü qovşaqlarında cari təmir işləri aparılacaq.

Təmir müddətində Hacıqabul rayonunun Talış, Qarasu və Abdulabad kəndlərinin qaz təchizatında məhdudiyyətlər olacaq. Aparılan işlərin Bakı şəhəri Nəsimi, Binəqədi və Yasamal rayonlarının bir hissəsinin qaz təchizatına təsir göstərməsi də mümkündür.

Qlobal Banklararası Maliyyə Telekommunikasiya Cəmiyyətinin (SWIFT) üzvü olan bütün təşkilatlara ünvanlanan, beynəlxalq aləmdə son zamanlar baş verən kibercinayətkarlıq ilə bağlı tövsiyə məktubu Azərbaycan Mərkəzi Bankına (AMB) da daxil olub.

"APA-Econpomics"in sorğusuna cavab olaraq AMB-dən bildirilib ki, məktubda bütün üzv təşkilatlara SWIFT-in informasiya təhlükəsizliyinin təmin olunması istiqamətində buraxdığı proqram təminatı yeniliklərinin verilən qrafik əsasında tətbiq edilməsi tövsiyə olunub. "Eyni zamanda bildirilir ki, SWIFT şəbəkəsindən istifadə üzrə təhlükəsizlik qaydalarına daha ciddi riayət olunmalı, səlahiyyətlər bölgüsünə, identifikasiya və autentifikasiya kimi məsələlərə nəzarət gücləndirilməlidir", - deyə məlumatda vurğulanıb.

AMB-dən bildirilib ki, Mərkəzi Bankın ödəniş və digər sistemlərində informasiya təhlükəsizliyinin təmin olunması üçün müvafiq qanunvericilik aktlarının tələbləri əsasında akreditasiya olunmuş "Bank Sertifikat Xidmətləri Mərkəzi” yaradılıb və bütün sistemlərin iştirakçısı olan maliyyə təşkilatları ilə informasiya mübadiləsi bu mərkəzdən alınmış elektron sertifikatlardan istifadə olunmaqla həyata keçirir: "Eyni zamanda SWIFT-in informasiya resurslarına inteqrasiya olunmuş ödəniş sistemlərində informasiya təhlükəsizliyinin təmin olunması üçün ən müasir metodlardan istifadə olunur və Cəmiyyətin informasiya təhlükəsizliyi istiqamətində buraxdığı bütün proqram təminatı yenilikləri qrafik əsasında vaxtında tətbiq edilir”.

Xatırladaq ki, SWIFT beynəlxalq maliyyə sistemi Mərkəzi Banklara ünvanladığı məktubda onları yeni haker hücumları dalğası barədə məlumatlandırıb. Məktubda təhlükəsizlik tədbirlərinin gücləndirilməsinin vacibliyinə diqqət çəkilib: "Haker hücumlarının bəziləri uğursuzluğa düçar olsa da, bəziləri kibercinayətkarlar üçün uğurlu olub. Hücumlar fevral ayında Banqladeş Mərkəzi Bankına olunan hücumların ardı kimi qiymətləndirir".

Ekologiya və Təbii Sərvətlər Nazirliyinin Milli Hidrometeorologiya Departamenti Azərbaycanda havanın dəyişəcəyi ilə bağlı xəbərdarlıq yayıb.

Nazirlikdən May.Az-a verilən məlumata görə, sentyabrın 6-7-də ölkə ərazisində hava şəraitinin qeyri-sabit keçəcəyi, şimşək çaxacağı, arabir yağış yağacağı gözlənilir.

Bəzi yerlərdə intensiv olacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var. Qərb küləyi ayrı-ayrı yerlərdə arabir güclənəcək. Çaylarda sululuğun artacağı ehtimal olunur.

Türkiyədə qətlə yetirilən azərbaycanlı avtoritet Rövşən Lənkəranskinin xəstəxanadakı görüntülərini əks etdirən fotolar saxta çıxıb.

May.Az xebər verir ki, guya avtoritetin xəstəxanada qohumu tərəfindən çəkildiyi iddia edilən fotodakı şəxsin başqa adam olduğu məlum olub. Hətta həmin foto 3 il əvvəl yerli saytlarda şərti foto olaraq yayılıb.

Azərbaycanlı K-1 döyüşçüsü Zabit Səmədov xalqı ilə görüş keçirəcək.

May.Az-in məlumatına görə, Azərbaycanı dünyada layiqincə təmsil edən idmançı sentyabrın 8-də xalqı ilə görüşəcək.

Park Bulvarda baş tutacaq görüş saat 17:00-dan başlayacaq. 17:30-dək media mənsublarının sualları cavablandırılacaq. Bundan sonra isə xalqla görüş baş tutacaq.

Görüşü işıqlandırmaq istəyən media nümayəndələri tədbirə dəvətlidir.

Tədbirdə iştirak etmək istəyən şəxslər bu Facebook linkinə keçid edə bilərlər.

Bakı şəhər İcra Hakimiyyətinin Xüsusi Təyinatlı Avtonəqliyyat İdarəsinin (XTAİ) rəisi Həsən Abdullayev tutduğu vəzifədən azad edilib.

Avtosfer.az-ın əldə etdiyi məlumata görə, bununla bağlı Bakı şəhər İcra Hakimiyyətinin başçısı Hacıbala Abutalıbov bu gün sərəncam verib. Həsən Abdullayevin işdən çıxarılmasına səbəb kimi onun Bakının bir neçə nöqtəsində onlarla qanunsuz parkomat quraşdırması və dayanacaq yaratması göstərilir.

Qeyd edək ki, uzun müddətdir Dövlət Yol Polisi İdarəsi və "Azəravtoyol" ASC bir neçə parkomatın lazımsız yerlərdə quraşdırılması barədə məsələ qaldırıb. Hətta, DYP və "Azəravtoyol" ASC Bakıda onlarla parkomatın yığışdırılmasına və parkinqin ləğv edilməsinə nail olub. Bununla bağlı şikayətlərin sayı artdığı üçün Hacıbala Abutalıbov XTAİ-nin rəisi Həsən Abdullayevi işdən kənarlaşdırıb.

Bakıda doğuş zamanı ölüm hadisəsi baş verib.

"Report”un xəbərinə görə, hadisə Qaradağ rayonunda yerləşən Ələt Dəmiryol Xəstəxanasında qeydə alınıb.
Belə ki, həmin xəstəxanada 21 yaşlı Xəyalə Quliyeva oğlan uşağı dünyaya gətirib. Lakin körpə doğuşdan sonra ölüb.

Faktla bağlı Qaradağ rayon Prokurorluğunda araşdırma aparılır.

Azərbaycanın Quba rayonunun Xınalıq kəndində dağlara qar yağıb.

May.Az xəbər verir ki, bu barədə APA-nın şimal bürosuna kənd sakinləri məlumat verib. Sakinlərin bildirdiyinə görə, Xınalıq kəndi ilə üzbəüz yerləşən Qiblə dağının zirvəsində daha çox qar müşahidə olunur.

Təxminən 3500 metrdən yüksəkdə yerləşən dağlıq ərazilərə də qar yağıb.

Quba Regional Hidrometeorologiya Mərkəzindən verilən məlumata görə, müşahidə məntəqələrinin olduğu ərazilərin heç birində qar yağması faktı qeydə alınmayıb.

Bu gecə Bakı şəhərinin Zığ qəsəbəsində dəhşətli yol qəzasında vəfat edən 24 yaşlı Sahib Rzayevin nişanlı olduğu məlum olub. Yaxınlarının lent.az-a verdiyi məlumata görə, bu ayın 20-də onun qız, 25-də isə oğlan toyu olacaqmış və ailəsi artıq hazırlığa da başlayıbmış.

S.Rzayev bu gecə atasının idarə etdiyi "QazEL"in "KamAZ"a çırpılması nəticəsində atası Pirican Rzayev və xalası oğlu, həm də yeznəsi olan Elşad Qəhrəmanovla birgə vəfat edib. Onlar bu gün dəfn edilib.

---------

13:32

Bu gecə Bakıda baş vermiş dəhşətli yol qəzasında bir ailədən 3 nəfər vəfat edib. lent.az-a bildirir ki, Suraxanı rayonu Zığ qəsəbəsi ərazisində "QazEL" və "KamAZ" markalı yük maşınlarının toqquşması nəticəsində, "QazEL"in sürücüsü, 1955-ci il təvəllüdlü Rzayev Pirican Əlif oğlu və sərnişinləri, sürücünün oğlu - 1992-ci il təvəllüdlü Rzayev Sahib Pirican oğlu ilə sürücünün yeznəsi, 1976-cı il təvəllüdlü Qəhrəmanov Elşad Qəni oğlu vəfat edib. "QazEL"in kuzasında olan Qədirov Tacəddin Mehralı oğlu isə ağır vəziyyətdə xəstəxanaya yerləşdirilib.

Bildirilir ki, qəzaya düşən ailə kiçik sahibkarlıqla məşğul olurmuş və maşınla cücə daşıyırmış. Gecə saatlarında Zığ qəsəbəsində kubiklə dolu "KamAZ" yoxuşa çıxa bilmədiyindən yolun hərəkət hissəsində dayanıb. Nəticədə arxadan gələn "QazEL" həmin yük maşınına çırpılıb. "KamAZ"dakı kubiklər "QazEL"in üstünə tökülüb və maşının qarşı tərəfində oturaq halda vəfat edən şəxslərin cəsədlərini çıxarmaq üçün əraziyə xilasedicilər cəlb edilib.

Artıq "KamAZ"ın sürücüsünün kimliyi müəyyənləşdirilib. Bu, 1958-ci il təvəllüdlü Məlikov Əlikram Əlibala oğludur.

Faktla bağlı cinayət işi açılıb, araşdırma aparılır.

----------

09:39

Bakı şəhəri, Suraxanı rayonunda "Qazel" markalı yük avtomobili "Kamaz" markalı yük avtomobili ilə toqquşması nəticəsində yol-nəqliyyat qəza hadisəsi baş verib.

Fövqəladə Hallar Nazirliyindən Milli.Az-a verilən məlumata görə, dərhal FHN-nin Xüsusi Riskli Xilasetmə Xidmətinin qüvvələri hadisə yerinə cəlb olunaraq "Qazel" markalı yük avtomobilində sıxılmış vəziyyətdə qalmış şəxsiyyətləri məlum olmayan 2 nəfərin cəsədini çıxarıb və aidiyyatı üzrə təhvil veriblər.

Əməliyyat saat 04:51-də başa çatıb.

Dolların 5 sentyabr tarixinə olan məzənnəsi açıqlanıb.

Azərbaycan Mərkəzi Bankından May.Az-a verilən məlumata görə, 05.09.2016-cı il tarixinə USD/AZN rəsmi məzənnəsi 1,6362 səviyyəsində müəyyən olunub.

Qeyd edək ki, sentyabrın 2-də də USD/AZN rəsmi məzənnəsi 1,6362 manat təşkil edib.

Şahin Həbibov