Qızıl ürək – Kişilərin çətin günlərində adətən, qadınlar öz işlərində-güclərində olurlar. Kişilər isə onları başa düşə bilən, dərdinə yanan qadınları qətiyyən tərk etmək istəmirlər.

Yumor hissi olan qadınlar – Qarşınızdakı kişinin üzünü güldürən məsələlərə reaksiya verməlisiniz. Əgər çox da zarafatcıl insan deyilsinizsə, gülüşünə hörmət əlaməti olaraq təbəssümlə cavab vermək də bir jestdir.

Ağıl və özünə olan inam – Ağıllı qadınları yola gətirməkdə kişilər çətinlik çəkir. Amma bu qısa müddətli münasibətlər üçün keçərlidir. Əgər qarşınızdakı kişi uzun müddətli və ciddi münasibət axtarırsa, ağılınız sizi daha cazibədar göstərəcək.

Ehtiras – Bir kişinin sevdiyi qadına ehtiras və şəhvət hiss etməsindən təbii heç nə ola bilməz. Pozitiv enerjinizi ona ötürərək birlikdə olduğunuz hər anı əyləncəli edə bilərsiniz.

Gözəl sima – Tanış olduğunuz kişi sizi makiyajsız görəndə qorxmamalıdır. Bunun üçün görüşə gedəndə üzünüzü boyalarla doldurmamalısnız. Unutmayın, kişilər təbii gözəlliyə çox önəm verir.

İdeal bədən – Kişinin sizdə diqqət etdiyi 2-ci məsələ bədən quruluşunuzdur. Sinəniz, ayaqlarınız, ya da boynunuzun uzunluğu onu cəzb edə bilər. Kişini əldən buraxmaq istəmirsinizsə, hər zaman ideal görünməyə çalışın.

Çəkicilik – Bir kişinin sizi görməsini istəyirsinizsə, ilk olaraq xarici görkəminizə fikir verməlisiniz. Kişiyə təsir etmək üçün çəkici olmalısınız.

Hörmət – Onu aşığılayan zarafatlar böyük dezavantajdır. Buna diqqət etməlisiniz. Bu cür hərəkəti bütün kişilər hörmətsizlik və tərbiyəsizlik kimi qəbul edir.

Dürüstlük və inam – Qarşınızdakı insanın uzun müddət yanınızda olmasını istəyirsinizsə, ona inanmalı və dürüst olmalısınız. Keçmişdə həyatınızda baş verənləri, pis xatirələrinizi ilk günlərdə deyil, bir-biriniz tanıdıqdan sonra yavaş-yavaş paylaşa bilərsiniz.

Sevgi – Bəzi kişilər xoşbəxtliyini ilk 3 maddədə tapa bilir. Bəzi kişilərin qəlbini isə sevgidən başqa heç nə ilə ələ almaq mümkün olmur. Sədaqətli, gözəl, şəfqətli, qayğıkeş və ən əsası aşiq olan qadın tapdıqlarında həsrətində olduğu xoşbəxtliyə çatmış olurlar.

Beləliklə, kişilər onları xoşbəxt edəcəklərinə inandıqları n qadınları əsla itirmək istəmirlər...

Azərbaycan Respublikasının Prezidenti İlham Əliyev sentyabrın 3-də Masallıya səfəri çərçivəsində "ASAN həyat” kompleksinin açılışında iştirak edib.

May.Az xəbər verir ki, dövlət başçısı kompleksin rəmzi açılışını bildirən lenti kəsib. Prezidentə məlumat verilib ki, kompleksin inşasına 2015-ci ildə başlanıb və tikinti işləri 2016-cı ilin avqustunda başa çatdırılıb. Dördmərtəbəli kompleks binasının ümumi sahəsi 4 min 246 kvadratmetrdir.

Kompleksdəki "ASAN xidmət” mərkəzində vətəndaşlara 10 dövlət orqanı tərəfindən 32 növ xidmət göstəriləcək.

Rusiyanın "Birinci” kanalının aparıcısı əslən azərbaycanlı olan İradə Zeynalova ikinci dəfə ərə gedir.

May.Az Rusiya mətbuatına istinadən xəbər verir ki, "Voskresnoye Vremya” verilişinin son 4 il ərzində aparıcısı olmuş İ.Zeynalova hərbi müxbir Aleksandr Yevstiqneyev ilə ailə həyatı qurmağa hazırlaşır.

Aparıcı açıqlamasında "Komsomolskaya pravda”ya "Bəli, mən ikinci dəfə ərə gedirəm. Lakin bu haqda danışmaq istəmirəm. Önəmli olan odur ki, çox xoşbəxtəm” – deyib.

Qeyd edək ki, A.Yevstiqneyev bundan əvvəl müxbir Natalya Ustyuqova ilə evli olub, İradə Zeynalova isə jurnalist Aleksey Samolyotov ilə 10 illik ailə həyatıdan sonra 2015-ci ildə ayrılıb.

Aysel.Ş

Bakı-Sumqayıt yolunda son günlər sıxlıq müşahidə olunur. Bəzən isə nasaz avtomobillərin bu cür sıxlıq baş verən ərazilərdə xarab olub yolun ortasında qalması vəziyyəti daha da çətinləşdirir.

May.az bildirir ki, avtosfer.az-ın təqdim etdiyi bu videoda da belə bir mənzərə əksini tapıb. Belə ki, sentyabrın 2-də Beynəlxalq Avtovağzalın qarşısında "VAZ-2107" markalı avtomobil texniki nasazlıq ucbatından yolun hərəkət hissəsində qalıb. Sıxlıq vaxtı vəziyyəti daha da gərginləşdirən həmin avtomobili yolun tən ortasından kənarlaşdırmaq üçün əraziyə piyada şəkildə 3 yol polisi əməkdaşı yaxınlaşır. Görünür, patrul avtomobili ilə həmin nöqtəyə yaxınlaşmaq çətin olduğu üçün DYP əməkdaşları piyada hərəkət etməli olublar. Onlar dərhal "07"yə yaxınlaşaraq onu yoldan çıxarırlar. Zabitin göstərişi ilə serjantlar maşını itələyib sağ tərəfdəki təhlükəsizlik adacığına çıxarırlar. Bununla da yolda avtomobillərin hərəkəti qismən normallaşır.

Avtosfer.az-ın əldə etdiyi məlumata görə, həmin yol polisləri "Ekologiya postunun" əməkdaşları olub.

Sabah Bakıda dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən May.Az-a verilən məlumata görə, sentyabrın 4-də Bakıda və Abşeron yarımadasında şimal-qərb küləyi gündüz cənub-şərq küləyi ilə əvəz olunacaq.

Havanın temperaturunun gecə 19-22° isti, gündüz 25-29° isti, gecə 19-21° isti, gündüz 26-28° isti olacağı gözlənilir. Atmosfer təzyiqi norma daxilində 760 mm civə sütunu təşkil edəcək.Nisbi rütubət gecə 80-90 %, gündüz 60-70 % təşkil edəcək.

Rayonlarda gözlənilən hava şəraitinə gəlincə, əsasən yağmursuz olacaq. Lakin gecə və axşam bəzi dağlıq və dağətəyi rayonlarda şimşək çaxacağı, yağış yağacağı gözlənilir. Şərq küləyi ayrı-ayrı yerlərdə arabir güclənəcək. Havanın temperaturu gecə 18-22° isti, gündüz 25-30° isti, dağlarda gecə 8-13° isti, gündüz 18-23° isti olacağı gözlənilir.

Ermənistan prezidenti Serj Sarkisyan Azərbaycanın işğal edilmiş ərazilərində yaradılmış qondarma Dağlıq Qarabağ rejiminin "müstəqilliyi"nin ildönümü münasibətilə keçirilən tədbir çərçivəsində separatçı Abxaziya, Cənubi Osetiya və Dnestryanıdan olan nümayəndələrlə görüşüb.

APA-nın xəbərinə görə, bu barədə separatçı rejimin prezident aparatı rəhbərinin müavini David Babayan "Azadlıq Radiosu”na bildirib.

D. Babayan qeyd edib ki, Xankəndində keçirilən mərasimdə separatçı Abxaziyanın vitse-prezidenti Vitaliy Qabniya, separatçı Cənubi Osetiyanın administrasiya rəhbərinin müavini Konstantin Puxayev və separatçı Dnestryanının "regionlar naziri" Pyotr Qujex iştirak ediblər.

S. Sarkisyanın bu addımı artıq Gürcüstanda ciddi narazılıqla qarşılanıb.

Qeyd edək ki, tədbirlərdə separatçı rejimlərin nümayəndələrindən başqa iştirak edən olmayıb.