Dodaqların göyərməsi koronavirus infeksiyasına yoluxmanın simptomlarından biri ola bilər.

MAY.AZ oxu.az-a istinadən xəbər verir ki, yeni simptom haqda məlumatı Böyük Britaniyanın Səhiyyə Nazirliyi yayıb.

Mütəxəssislər qeyd edir ki, koronavirusa yoluxmuş insanın qanında oksigen çatışmazlığı dodaqların göyərməsinə və ağ ciyər iltihabına yol açır.

Belə simptom muşahidə edildikdə dərhal həkimə müraciət etmək lazımdır.

Bundan əlavə, koronavirusun əsas simptomları yüksək temperatur, quru öskürək və başağrısıdır. Bəzi xəstələrdə dadbilmə qabiliyyətinin itməsi və halsızlıq müşahidə oluna bilər.