Bakıda incəsənət əsərlərinin ikinci hərracı keçirilib


Bakıda incəsənət əsərlərinin ikinci hərracı keçirilib


Noyabrın 7-də “Hilton Baku” otelində incəsənət əsərlərinin növbəti hərracı keçirilib.

MAY.AZ lent.az-a istinadən xəbər verir ki, sayca ikinci olan hərrac Mədəniyyət Nazirliyi, “Auction Baku” Məhdud Məsuliyyətli Cəmiyyəti şirkəti və Azərbaycan Dövlət Rəsm Qalereyasının birgə təşkilatçılığı ilə reallaşıb.

Azərbaycan Dövlət Rəsm Qalereyasının direktoru Qalib Qasımov jurnalistlərə bildirib ki, hərrac respublikada mədəniyyət və incəsənət sahəsində biznes münasibətlərini inkişaf etdirmək, alıcı və satıcılar arasında əlaqə qurmaq, art biznes sahəsində rəqabət qabiliyyətini gücləndirmək məqsədi ilə həyata keçirilir. Qeyd edib ki, 11 lot hərraca çıxarılıb. Ümumilikdə isə 9 rəssam hərraca qatılıb. Hərracda Akif Əsgərovun “Atlar”, Mahmud Rüstəmovun “Qadın müxtəlif əhvalda” silsiləsindən ''Kompozisiya'', Fərəh Əliyevanın “Santa 1919-cu il”, “Kraliça”, Pərviz Hüseynov və İrina Qundorinanın “Kraliça Viktoriya”, Vüqar Muradovun “Gülüş” və “Payızda-Yaz”, Namiq Məmmədovun “Mələklərin səhər yeməyi” və “Bolluq”, Vüqar Əlinin “Karvan” və İlham Mirzəyevin “Antik Büst-Qızılı Fonda” əsərləri yer alır.

Mədəniyyət naziri Əbülfəs Qarayev çıxış edərək hərracın əhəmiyyətindən söz açıb. Deyib ki, hər bir vətəndaşımızın evində Azərbaycan rəssamlarının əsərlərinin asılması ailədə böyüyən uşaqlar üçün tərbiyəvi əhəmiyyətə malikdir.

Azərbaycanda yeni yaradıcılıq sənayesinin formalaşmasından söz açan nazir vurğulayıb ki, bu sahə əl işlərindən tutmuş rəqslərə qədər incəsənətin bütün sahələrini əhatə edir.

Ə.Qarayev yaradıcı sənayenin dünyada geniş yayıldığını, eyni zamanda gəlirli sahə olduğunu qeyd edib.

“Artıq ikinci dəfə keçirilən hərrac çox yaxşı bir ənənədir. Hərrac vasitəsilə vətəndaşlarda yeni vərdişlər formalaşdırmaq niyyətindəyik. Hərracda alınmış əsərlər daha dəyərli olur və onların qiyməti zaman keçdikcə artır. Belə tədbirlərlə biz cəmiyyət şəklində yaradıcı insanlara münasibət formalaşdırırıq. Eyni zamanda, hərraclarda tam şəffaf formada qiymətləndirmə aparılır. Ümid varam ki, bu ənənə gələcəkdə də davam etdiriləcək”, - mədəniyyət naziri söyləyib.

Sonra hərraca start verilib. Satışa çıxarılan 11 lotdan yalnız 2-i satılıb. Belə ki, Akif Əsgərovun “Atlar” əsəri 20050 manata, Mahmud Rüstəmovun “Qadın müxtəlif əhvallarda” əsəri isə 5610 manata satılıb.

Qeyd edək ki, hərrac ən bahalı lotunu iş adamı İsgəndər Xəlilov əldə edib.

Xatırladaq ki, “Auction Baku” Azərbaycanda ilk hərracı bu il mayın 21-də keçirib.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.
нравится0
не нравится0
00
Bölmə: Foto Oxunub: 72 Tarix: 8-11-2019, 19:25
Добавить комментарий
Ваше имя:*
Ваш e-mail:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Введите код: *
Okunamayan kodu yenilemek için resmin üstüne tıklayınız
İstifadeci paneli
Youtube səhifemiz
Reklam
Avtomobil dünyası

Təqvim
«    Kasım 2019    »
PtSaÇaPrCuCtPz
 123
45678910
11121314151617
18192021222324
252627282930 
Saygaclar
MobTop.az