Rusiyada gənc dəhşətli işgəncələr ilə öldürülüb.
Musavat.com xəbər verir ki, hadisə Rusiyanın Arxangelsk vilayətində baş verib.

17 yaşlı Viktoriya Averina adlı gənc qız gözəl olduğu səbəbi ilə sinif yoldaşları tərəfindən öldürülüb. Sinif yoldaşları Viktoriyanı onlardan gözəl olduğu üçün və “İnstagram” hesabında daha çox izləyicisinin olmasına görə öldürüb.
Lina və İrina adlı iki gənc qız birləşərək bu dəhşətli cinayəti törədiblər. Onlar Viktoriyanı işgəncələr verərək boğub öldürüblər. Daha sonra onun cəsədini meşəyə apararaq orada qoyub qaçıblar. Boğaraq öldürdükdən sonra onun üzünü şüşə parçaları ilə də tanınmaz hala gətiriblər. Hazırda həbs edilən hər iki gənc qız özlərini “Viktoriya bizdən daha çox gözəl idi. Ona görə öldürdük” deyərək müdafiə edirlər.

Bu dəhşətli cinayəti törədən gənc qızların normal bir ailəyə sahib olduqları da bildirilir. Onların valideynləri hələ də övladlarının bu cür bir cinayət törətdiklərinə inana bilmir.

Hazırda bu dəhşətli cinayət ilə bağlı geniş araşdırma başlanılıb.